Inter Benjamen Pavarning ijara shartnomasini e’lon qildi
Milanning «Inter» jamoasida o‘ynagan qanot himoyachisi Benjamen Pavar Fransiya chempionatiga ko‘chib o‘tdi. Bu haqida Euro-football.ru xabar berdi.
29 yoshli futbolchi yangi faoliyatini «Marsel» klubida davom ettiradi. Provans klubining matbuot xizmati ma’lumotiga ko‘ra, futbolchi bilan 15 million yevro qiymatdagi sotib olish huquqi bilan ijaraga olish shartnomasi imzolangan.
Ijara muddati bir mavsumga mo‘ljallangan bo‘lib, fransuz klubi uchun bu 2,5 million yevroga tushdi. O‘tgan mavsumda Benjamen Pavar Italiya Seriya A chempionatida 23 ta o‘yinda maydonga tushdi.
Himoyachi bitta golga uzatma berdi va to‘rt marta sariq kartochka oldi. «Inter» jamoasi bilan u Italiya chempionatida ikkinchi o‘rinni egalladi hamda UEFA Chempionlar Ligasi finaligacha yetib bordi.
Benjamen Pavarning yangi jamoasida ham muvaffaqiyatli o‘yin ko‘rsatishi kutilmoqda.
