Spartak mavsumda har o‘yinda g‘alaba uchun kurashadi

Moskva "Spartak" futbol klubi bosh direktori Oleg Malyishev jamoaning hozirgi vaqtda chempionlik uchun kurash haqida o‘ylash uchun erta ekanligini ma’lum qildi. Bu haqida Euro-football.ru xabar berdi.

Uning so‘zlariga ko‘ra, hozirgi asosiy maqsad har bir o‘yinda uch ochko uchun kurashishdir. Malyishev "Sport-Express"ga bergan intervyusida, jamoa joriy mavsumda chempionlikni ko‘zlash noto‘g‘ri bo‘lishini ta’kidladi va eng to‘g‘ri maqsad yaqin o‘yinlarda g‘alaba qozonishga e’tibor qaratish ekanini bildirdi.

U "qizil-oq" jamoaning har o‘yinda yomon o‘ynagani haqidagi fikrga qo‘shilmadi, ammo hozirgi o‘rin klubning dastlabki rejalari bilan mos kelmasligini tan oldi. Hozirgi vaqtda yetti turdan so‘ng "Spartak" 11 ochko bilan turnir jadvalida oltinchi pog‘onani egallab turibdi.

Keyingi raqib esa Moskva "Dinamo" jamoasi bo‘ladi. Shunday qilib, klub jamoasi o‘z maqsadlariga erishish uchun har bir o‘yinda maksimal natija ko‘rsatishga intilmoqda.