Londonning "Chelsi" jamoasida o‘ynovchi ukrainalik yarim himoyachi Mixail Mudrik Buyuk Britaniyada haydovchilik guvohnomasidan mahrum qilindi. Bu haqida Euro-football.ru xabar berdi.
U oxirgi bir yarim yil ichida jami 13 jarima ballari to‘plagan. So‘nggi qoidabuzarligi tezlikni oshirib haydash bo‘lib, politsiya uni ta’qib qilishga majbur bo‘lgan.
Evening Standard nashrining xabar berishicha, Mudrikning haydovchilik huquqi olti oyga bekor qilindi. Shuningdek, futbolchi hozirda antidoping qoidalarini buzgani uchun barcha musobaqalardan chetlatilgan.
Uning kelajakdagi taqdiri sud tomonidan hal qilinadi va unga to‘rt yilgacha diskvalifikatsiya jazosi qo‘llanilishi mumkin. Mudrikning "Chelsi" bilan amaldagi shartnomasi 2031 yil 30 iyungacha amal qiladi.
Bu holat futbolchining faoliyatiga jiddiy ta’sir ko‘rsatishi mumkin.
