Fermin Lopes: Barcelona mavsumda hamma sovrinlarni yutmoqchi

Barcelona jamoasining yarim himoyachisi Fermin Lopes joriy mavsumdagi maqsadlari haqida so‘zlab berdi. Bu haqida Euro-football.ru xabar berdi.

O‘tgan mavsumda "ko‘k-burgundiya" jamoasi La Liga chempionligi, Ispaniya Kubogi va mahalliy Superkubokni qo‘lga kiritdi. Shuningdek, Chempionlar Ligasi yarim final bosqichida Milanning "Inter" jamoasiga imkoniyatni boy berdi.

Fermin Lopesning ta’kidlashicha, o‘tgan mavsum ko‘plab sovrinlar yutildi, ammo Chempionlar Ligasi musobaqasidan chiqib qolish jamoada achchiq ta’sir qoldirdi. Shu sababli, yangi mavsumda ular xuddi o‘sha ruhda, kamtarlik va eng muhimi, tinimsiz mehnat bilan barcha musobaqalarda g‘alaba qozonishga intilmoqda.

Yaqinda kataloniyaliklar Ispaniya chempionatida birinchi marta durang o‘ynadi, u Rayo Valyekano jamoasi bilan 1:1 hisobida yakunlandi. Jamoa shu kabi holatlarni takrorlamaslikka va oldingi yutuqlarini davom ettirishga harakat qilmoqda.

Mavsum davomida barcha o‘yinchilar birlashib, o‘z maqsadlariga erishish uchun astoydil harakat qiladi.