Sebalyosning Marselga o‘tishi komissiya sabab to‘xtadi

Madridning “Real” jamoasining yarim himoyachisi Dani Sebalyos “Marsel” klubi bilan kelishuvga erisha olmadi. Bu haqida Euro-football.ru xabar berdi.

Yozgi transfer oynasi yopilishidan oldin fransuz klubi ispaniyalik futbolchini sotib olishga yaqin bo‘lgandi, biroq so‘nggi lahzalarda muzokaralar bekor bo‘ldi. Madrid Zone nashrining xabar berishicha, “Real” “Marsel”ning taklifini qabul qilgan, ammo futbolchi qo‘shimcha komissiya to‘lovlarini talab qilgani sababli fransuz klubi muzokaralarni to‘xtatishga majbur bo‘lgan.

Dani Sebalyos 2017 yildan buyon “Real”ga tegishli bo‘lib, uning jamoa bilan shartnomasi 2026/27 mavsumining oxirigacha amal qiladi. 29 yoshli yarim himoyachiga “Betis” klubi ham qiziqish bildirgani ma’lum, bu jamoa futbolchining ilk faoliyat boshlagan joyidir.

Shunday qilib, Dani Sebalyosning “Marsel”ga o‘tishi amalga oshmadi va u hali ham “Real” safida qolmoqda.