Juventus Kolo-Muani Tottenhemga o‘tishidan hayratda
Tottenhem jamoasi Parij Sen-Jermen klubidan hujumchi Randal Kolo-Muani ijara asosida olib qo‘ydi. Bu haqida Euro-football.ru xabar berdi.
Ushbu bitim yozgi transfer oynasi yopilishidan avval amalga oshirildi. Avval Juventus klubi fransuz futbolchisini uzoq vaqt sotib olishga harakat qilgan bo‘lsa-da, Parij jamoasi uni Turin shahriga qaytarishga ruxsat bermadi.
Give Me Sport nashrining ma’lumotiga ko‘ra, Juventus rahbariyati Kolo-Muanining Tottenhemga o‘tishidan hayratda qolgan. Parij Sen-Jermen hujumchini Tottenhemga yiliga besh million yevro evaziga ijaraga berdi, holbuki bir hafta oldin ular Juventusning ikki barobar yuqori taklifini rad etishgan edi.
Randal Kolo-Muani o‘tgan mavsumning ikkinchi yarmida Turin jamoasida ijara asosida o‘ynagan. Bu transfer Tottenhemning hujum chizig‘ini kuchaytirishga qaratilgan muhim qadam sifatida baholanmoqda.
Jamoa yangi mavsumda yuqori natijalarga erishishni maqsad qilgan.
