Vlapning «Spartak»ga o‘tmasligining asosiy sababi ma’lum bo‘ldi
«Al-Ahli» jamoasining yarim himoyachisi Mihel Vlap Moskva «Spartak» klubiga o‘tishi amalga oshmaganligi haqida fikr bildirdi. Bu haqida Euro-football.ru xabar berdi.
Avvalroq, 28 yoshli futbolchi «Tvente» jamoasida o‘ynagan va aynan shu klub «qizil-oq» jamoa bilan muzokaralar olib borgan. Biroq, oxir-oqibat ikki klub o‘rtasida kelishuvga erishilmadi.
Vlap ESPN telekanaliga bergan intervyusida, «Spartak» bilan bo‘lgan voqea shunday tugadi: klub rahbarlari o‘zaro kelisha olmadi, shuning uchun men shaxsan tanlov qilishga majbur bo‘lmadim, ha, asosan shunday bo‘ldi, – dedi. Uning so‘zlariga ko‘ra, Rossiyaga o‘tishi mumkinligi ma’lum bo‘lgach, yaqinlari unga bosim ko‘rsatishdi va noqulay vaziyat paydo bo‘ldi.
Natijada Vlap Qatarga ketishga qaror qildi. U o‘zining asosiy maqsadi «Tvente» jamoasi uchun moliyaviy foyda olish ekanligini ta’kidladi.
