Jersonning Zenitga o‘tishi yomon transfer deb topildi
Amerikalik ESPN telekanali braziliyalik yarim himoyachi Jersonning "Flamengo" klubidan "Zenit"ga o‘tishi yozgi transferlar davrining eng yomon transferlaridan biri sifatida baholandi. Bu haqida Euro-football.ru xabar berdi.
ESPN yozgi transferlar oynasining eng yomon o‘tishlari ro‘yxatini tuzib, braziliyalik futbolchini 12-o‘ringa qo‘ydi. Telekanal o‘z tanlovini shunday izohladi: "Braziliya terma jamoasiga Karlo Anchelotti tomonidan chaqirilgan futbolchilar ro‘yxatida "Zenit"dan ikki o‘yinchi bor, ammo ulardan hech biri Jerson emas".
ESPN versiyasiga ko‘ra, "eng yomon transfer" nominatsiyasida g‘oliblar sifatida Yoan Vissning "Brentford"dan "Nyukasl"ga, Son Xin Minning "Tottenxem"dan "Los-Anjeles"ga va Nik Voltemadening "Shtutgart"dan "Nyukasl"ga o‘tishlari tanlandi. Eslatib o‘tamiz, "Zenit" Jerson uchun "Flamengo"ga 25 million yevro to‘ladi.
2025/2026 yilgi mavsumda braziliyalik futbolchi Sankt-Peterburg klubida olti o‘yinda maydonga tushib, gol yoki assist qayd etmadi. Oldinroq Jerson "Zenit"ni tark etib, "Al-Ittihod"ga o‘tishni rejalashtirayotgani haqida xabarlar tarqaldi, biroq Rossiya klubi futbolchini 50 million yevrodan kam narxda sotishga tayyor emasligi ma’lum qilindi.
