Shalke jamoasi Kristian Gomis bilan shartnoma imzoladi
Ikkinchi Bundesligada uchinchi o‘rinda borayotgan “Shalke” jamoasi hujumchi Kristian Gomis bilan shartnoma imzoladi. Bu haqida Euro-football.ru xabar berdi.
Gomis Senegal va Ispaniya fuqaroligiga ega bo‘lib, ilgari Shveytsariyaning “Vintertur” klubida o‘ynagan. Transfer summasi 1,5 million yevroni tashkil etdi.
Yangi jamoaning rasmiy saytida e’lon qilingan ma’lumotlarga ko‘ra, futbolchi bilan to‘rt mavsumga shartnoma tuzildi. Joriy mavsumda Gomis olti o‘yinda to‘rt gol urdi.
“Shalke” direktori Yuri Myulderning aytishicha, Kristian Gomis chidamliligi va o‘yin uslubi bilan hujumchilar uchun belgilangan talabga javob beradi. U yil sayin o‘sib bormoqda va kelajakda yanada rivojlanish salohiyatiga ega.
Gomis o‘zining kattalar darajasidagi futbol faoliyatini Shveytsariyaning turli klublarida o‘tkazib, ikkinchi ligadan mamlakat chempionatigacha bo‘lgan yo‘lni bosib o‘tgan.
