Morata Ispaniya terma jamoasida qolishni istaydi
Alvaro Morata, "Komo" jamoasi hujumchisi, Ispaniya terma jamoasidagi faoliyatini yakunlash haqida o‘z fikrlarini bildirdi. Bu haqida Euro-football.ru xabar berdi.
32 yoshli futbolchi xalqaro faoliyatini tugatishi haqida tarqalgan mish-mishlarga qaramay, terma jamoada o‘ynashni davom ettirmoqda. Terma jamoa bosh murabbiyi Luis de la Fuente tajribali hujumchini 2026 yilgi Jahon chempionati saralash o‘yinlari uchun sentyabr oyidagi yig‘inga taklif qildi.
Morata matbuot anjumanida: "Men har doimgidek terma jamoada o‘ynashni intiqlik bilan kutyapman. Hamma narsa yaxshi, jamoada bo‘lishdan xursandman.
Ketish haqida o‘ylamayapman. Ko‘p qiyinchiliklarni boshdan kechirdim va har qanday holat yuz berishi mumkinligini bilaman, lekin hozirda faqat o‘yinga to‘liq e’tibor qaratmoqdaman.
O‘z mamlakatim terma jamoasi sharafini himoya qilish futboldagi eng yaxshi his-tuyg‘ulardan biridir", dedi. 4 sentyabr kuni ispanlar Bolgariya terma jamoasi bilan, uch kun o‘tib esa Turkiya jamoasi bilan o‘yin o‘tkazadi.
