Chelsea Sterling bilan shartnomani bekor qilishi mumkin

Chelsea klubi Rahim Sterling bilan tuzilgan shartnomani bekor qilish imkoniyatini ko‘rib chiqmoqda. Bu haqida Euro-football.ru xabar berdi.

Klub rahbariyati 30 yoshli futbolchini sotuvga qo‘ygan, ammo u hech qayerga o‘tmagan, shuningdek, Yevropa chempionatlarining aksariyatida transfer oynasi allaqachon yopilgan. Football Insider ma’lumotlariga ko‘ra, Chelsea endi Sterling bilan hamkorlikni erta yakunlash, ya’ni uning mehnat shartnomasini bekor qilish haqida o‘ylamoqda.

Hujumchi jamoaning eng ko‘p maosh oluvchi o‘yinchisi bo‘lib qolmoqda — u haftasiga 300 ming funt sterling (taxminan 350 ming yevro) daromad oladi. Rahim Sterlingga Fulxem, Kristal Pelas va Vest Hem kabi jamoalar qiziqish bildirgani aytilgan, ammo uning transferi amalga oshmagan.

Shunday qilib, Chelsea klubi futbolchi bilan shartnomani bekor qilish orqali jamoa tarkibini yangilashni maqsad qilmoqda.