Salah yangi futbolchilar bilan o‘ynashni o‘rganmoqda
«Liverpul» hujumchisi Muhammad Salah yozgi transfer oynasida jamoaga qo‘shilgan yangi futbolchilar haqida fikr bildirdi. Bu haqida Euro-football.ru xabar berdi.
Qizillar ikki qimmatbaho hujumchini – Ugo Ekitike va Aleksandr Isakni jamoaga taklif qildi. Shuningdek, hujumchi yarimhimoyachi Florian Virts ham jamoaga qo‘shildi.
Salahning aytishicha, Ugo va Aleksandr bilan o‘zaro tushunishni yaxshilash uchun hali ko‘p ishlash kerak. Ba’zi futbolchilar to‘pni oyoqqa olishni afzal ko‘radi, boshqalari esa to‘pni harakatda bo‘lgan hamkasblariga uzatishni ma’qul ko‘radi.
Jamoa a’zolari murabbiy rahbarligida mashg‘ulotlarda birga o‘ynashni mashq qilmoqda, videolar orqali harakatlarni o‘rganmoqda. Salah yaqin kunlarda yangi futbolchilar bilan qanday yaxshiroq hamkorlik qilishni tushunib olishini va shu orqali o‘z o‘yinini yanada yaxshilashini ta’kidladi.
Hozirda «Liverpul» Angliya Premer-ligasida uch turdan so‘ng to‘plagan to‘qqiz ochko bilan peshqadamlik qilmoqda. Jamoaning yangi transferlari va jamoaviy o‘yini uning yuqori o‘rinlarni egallashiga yordam bermoqda.
