Misr va Uganda uysizlar jahon chempioni bo‘ldi
Misr erkaklar terma jamoasi va Uganda ayollar terma jamoasi tarixda birinchi marta uysizlar o‘rtasidagi jahon chempionatida g‘olib bo‘ldi. Bu haqida Euro-football.ru xabar berdi.
Bu haqda FIFAning rasmiy sayti xabar berdi. Musobaqa Norvegiya poytaxti Oslo shahrida o‘tkazildi va unda 48 mamlakatdan jami 63 jamoa ishtirok etdi.
FIFA turnirga moliyaviy va reklama yordam ko‘rsatdi hamda o‘yinlarni o‘z portali orqali jonli efirda namoyish etdi. Ushbu turnir 22 yil oldin birinchi marta tashkil etilgan bo‘lib, unda qatnashish huquqi faqat uysiz yoki qochqin deb tan olingan shaxslarga beriladi.
Maydon o‘lchamlari, o‘yin vaqti hamda boshqa qoidalar an’anaviy futbol qoidalaridan farq qiladi. 2006 yilda Rossiya jamoasi ushbu musobaqada g‘olib bo‘lgan.
Eng ko‘p g‘alabaga esa Meksika erishgan bo‘lib, erkaklar terma jamoasi 5, ayollar terma jamoasi esa 9 marta chempionlikni qo‘lga kiritgan. Bu turnir ijtimoiy jihatdan ham katta ahamiyatga ega bo‘lib, uysizlar va qochqinlarni sport orqali qo‘llab-quvvatlashga xizmat qiladi.
