Degtyaryov Rossiyaning UEFAga qaytishini qo‘lladi
Rossiya sport vaziri Mixail Degtyaryov UEFA prezidenti Aleksandr Cheferinning Rossiyaning xalqaro maydonga qaytish ehtimoli haqidagi fikrlariga munosabat bildirdi. Bu haqida Euro-football.ru xabar berdi.
Yevropa futbolining rahbari ilgari jamoalarning xalqaro musobaqalardan chetlashtirilishiga qarshi ekanligini tan olgan, biroq unga siyosiy bosimlar bo‘lganini ta’kidlagan. Degtyaryovning so‘zlariga ko‘ra, Cheferinning so‘nggi bayonotlari umid uyg‘otmoqda.
U futbol sohasida Rossiya yana Yevropaga qaytishi kerakligini aytdi. Rossiya futboli aynan Yevropada ko‘proq tajribaga ega va UEFA bilan hamkorlik qilish muhimdir.
Avvalroq Rossiya futbol federatsiyasi Osiyo konfederatsiyasiga qo‘shilish variantini ko‘rib chiqqan, ammo oxir-oqibat Yevropaga qaytish to‘g‘risida qaror qabul qilingan. 2022 yildan beri Rossiya klublari Yevrokuboklarda ishtirok etmaydi, milliy jamoa esa faqat do‘stlik uchrashuvlarini o‘tkazishga ruxsat etilgan.
Yaqinda Valeriy Karpin boshchiligidagi jamoa Moskvada Iordaniya terma jamoasi bilan durang o‘ynadi.
