Rossiya milliy terma jamoasining besh nafar o‘yinchisi yakshanba kuni BetBoom do‘stlik uchrashuvida Qatar terma jamoasiga qarshi maydonga tushmaydi. Bu haqida Euro-football.ru xabar berdi.
Rossiya Futbol Federatsiyasi matbuot xizmati ma’lumotiga ko‘ra, bu o‘yinchilar – darvozabon Aleksandr Maksimenko, himoyachilar Ruslan Litvinov va Ilya Vaxaniya, shuningdek yarim himoyachi Aleksandr Chernikov hamda hujumchi Kirill Glebovdir. Ushbu futbolchilar payshanba kuni Iordaniya terma jamoasiga qarshi o‘tkazilgan o‘yinda maydonga tushishgan.
Eslatib o‘tamiz, Rossiya va Iordaniya terma jamoalari o‘rtasidagi uchrashuvda har ikki jamoa darvozalari ishg‘ol etilmadi. Bu Karpin boshchiligidagi jamoaning 2022 yil noyabridan beri o‘tkazgan birinchi o‘yini bo‘lib, unda Rossiya terma jamoasi raqib darvozasiga gol ura olmadi.
Shuningdek, bu 2021 yildan beri Rossiya maydonida o‘tkazilgan birinchi uy uchrashuvi edi, o‘sha paytda ular Xorvatiyaga qarshi o‘ynashgan.
