Krishtianu Ronaldo «Oltin to‘p»ni soxta deb atadi

Kecha «Oltin to‘p» mukofotiga nomzodlar ro‘yxati e’lon qilindi. Bu haqida Euro-football.ru xabar berdi.

Ushbu ro‘yxatda 30 nafar futbolchi bor, biroq 40 yoshida ham muntazam gol urishni davom ettirayotgan Krishtianu Ronalduning ismi yo‘q. Reportyorlar mikst zonada Ronaldudan «Oltin to‘p» haqida fikrini so‘rashdi.

U o‘z javobida buni «soxta» deb atadi. Umuman olganda, Krishtianu Ronaldo hozirgi kunda «Oltin to‘p» mukofotini jiddiy e’tirof etmayotganini bildirdi.

Ma’lumki, Ronaldo faoliyati davomida besh marta «Oltin to‘p» sovrinini qo‘lga kiritgan, so‘nggi bor esa bu mukofotni 2017 yilda olgan. «Oltin to‘p» uchun nomzod bo‘lgan futbolchilar ro‘yxati bilan saytimizdagi yangilik orqali tanishish mumkin.

Mukofot tantanali ravishda sentabr oyida topshiriladi.