Fransiya futbolchilar kasaba uyushmasi bayonoti chiqardi
Fransiya futbolchilar kasaba uyushmasi vakillari milliy terma jamoaning yetakchi futbolchilarining so‘nggi jarohatlari munosabati bilan bayonot bilan chiqdi. Bu haqida Euro-football.ru xabar berdi.
Ular so‘nggi paytlarda futbol boshqaruvchilari tomonidan qabul qilingan qarorlar ko‘plab futbolchilarga zarar yetkazayotganini ta’kidlamoqda. Musobaqalar taqvimi futbolchilar bilan maslahatlashilmasdan va ularning roziligisiz tuzilmoqda.
Musobaqalar sonining ortishi faqat moliyaviy manfaatlar bilan bog‘liq ekani aytilmoqda. Bayonotda davlatdan aralashuv so‘ralmoqda, chunki ko‘plab murojaatlar, harakatlar va shikoyatlarga qaramay, FIFA oqilona fikrni inobatga olmayapti.
Ular futbolchilar sog‘lig‘ini e’tiborsiz qoldirib, haqiqiy muloqot o‘tkazishga tayyor emas. Shuning uchun xalqaro taqvimni barcha manfaatdor tomonlar ishtirokida qayta ko‘rib chiqish zarur.
Hozircha rasmiy idoralardan bu bayonotga munosabat bildirilgani yo‘q.
