Ronalduning Erondagi o‘yinda ishtiroki taqiqlandi
Yulduzli hujumchi Krishtianu Ronalduning Osiyo Chempionlar Ligasi doirasidagi Eronning "Esteqlol" jamoasiga qarshi safardagi o‘yinda "Al-Nasr" jamoasi sharafini himoya qilmasligi ma’lum bo‘ldi. Bu haqida Euro-football.ru xabar berdi.
40 yoshli futbolchi ushbu o‘yinga ro‘yxatga kiritilmagan, bu haqda Saudiya klubi ijtimoiy tarmoqlarda e’lon qildi. Xavfsizlik xizmatining tavsiyasiga ko‘ra, Krishtianu Ronalduning Tehronda bo‘lib o‘tadigan o‘yinda ishtirok etmasligi ma’qul deb topildi.
Bu qaror muxlislarning ko‘p yig‘ilishining oldini olish maqsadida qabul qilindi. Avvalgi safarida Ronalduning Eron poytaxtiga kelishi vaqtida ko‘chalarda ommaviy tartibsizliklar yuzaga kelgan edi.
"Esteqlol" va "Al-Nasr" jamoalari o‘rtasidagi bellashuv 3 mart, dushanba kuni bo‘lib o‘tadi. Shuningdek, "Al-Nasr" jamoasi Ronalduning ishtirokisiz o‘yinni boshqa vaqtda o‘tkazish masalasini ko‘rib chiqqani ham ma’lum.
Bu holat klub va xavfsizlik organlari tomonidan jamoaning barqarorligi va muxlislarning xavfsizligini ta’minlash maqsadida amalga oshirilmoqda.
