Sobiq «Chelsi» klubi egasi Roman Abramovich Yevropa Ittifoqining sanksiyalariga qarshi kurashda mag‘lub bo‘ldi. Bu haqida Euro-football.ru xabar berdi.
Abramovich 2022 yildan beri sanksiyalar ostida edi. Ushbu qarorni qabul qilganlar tadbirkor o‘z boyligini Rossiya prezidenti Vladimir Putinning ta’siri orqali orttirganini ta’kidlagan.
Umuman olganda, Abramovich Yevropada siyosiy bosim ostiga tushdi. Abramovich Yevropa Ittifoqi Oliy sudiga murojaat qilib, aktivlarini muzlatishni bekor qilish va mamlakatga kirish taqiqini olib tashlashni so‘radi.
Sobiq «Chelsi» egasi Yevropa Ittifoqi vaziyatni noto‘g‘ri baholaganini aytib, obro‘ga yetkazilgan zarar uchun kompensatsiya talab qildi. Biroq, sud Abramovichning da’vosini rad etdi va sanksiyalarni zarur va to‘g‘ri deb topdi.
Bu haqda Politico nashri xabar berdi.
