Borussiya Dortmund yangi mehmonlar formasini taqdim etdi
Borussiya Dortmund joriy mavsumda o‘yinlarni qaysi formada o‘tkazishini ma’lum qilindi. Bu haqida Euro-football.ru xabar berdi.
Klubning yangi mehmonlar uchun mo‘ljallangan formasi taniqli PUMA brendi tomonidan ishlab chiqildi. Forma oq, qora va yorqin sariq ranglarda tayyorlangan.
Rasmiy onlayn do‘kon ma’lumotiga ko‘ra, toza oq rang qora yenglar va yorqin sariq detal bilan to‘ldirilgan. Bu dizayn Borussiya Dortmundning o‘ziga xosligini, ayniqsa, safardagi o‘yinlarda ham ta’kidlaydi.
Yangi mavsumda ikki o‘yindan so‘ng Borussiya jamoasi Germaniya Bundesligasi turnir jadvalida to‘rtinchi o‘rinda bormoqda va to‘rt ochko to‘plagan. Klubning yangi formasi muxlislar orasida katta qiziqish uyg‘otmoqda hamda jamoaning o‘ziga xosligini yanada oshirmoqda.
