37 yoshli Anxel di Mariya Argentina chempionatida o‘zining noyob mahorati bilan muxlislarning e’tiborini qozonishda davom etmoqda. Bu haqda Euro-football.ru xabar berdi.
O‘tgan dam olish kunlari uning jamoasi "Rosario Sentral" "Boka Xunior" bilan uchrashdi. "Boka" jamoasi birinchi bo‘lib gol urdi va oldinga chiqdi, biroq tez orada "Rosario" maydonning o‘ng tomonida burchak zarbasi oldi.
Di Mariya chap oyog‘i bilan ajoyib zarba berib, to‘pni to‘g‘ridan-to‘g‘ri raqib darvozasiga yo‘naltirdi. Bu uning joriy mavsumdagi to‘rtinchi goli bo‘ldi.
Burchak zarbasidan to‘g‘ridan-to‘g‘ri gol urishi esa uning yorqin faoliyatidagi ikkinchi holatdir. Qiziqarli jihati shundaki, birinchi bunday golni u yaqinda, 2023 yilda "Benfika" safida "RB Zaltsburg"ga qarshi Chempionlar ligasi o‘yinida amalga oshirgan.
Di Mariyaning bu muvaffaqiyati uning o‘yindagi yuqori darajasini yana bir bor tasdiqlaydi.
