Manchester Siti bosh murabbiyi Xosep Gvardiola Angliya Premer-ligasida Manchester Yunayted jamoasiga qarshi uch marta g‘alaba qozonsa, turnirdagi “qizil iblislar”ga qarshi eng ko‘p g‘alabaga erishgan murabbiylar orasida birinchi o‘ringa chiqadi. Bu haqda Euro-football.ru xabar berdi.
Hozirda ispan murabbiyining hisobida Manchester Yunaytedga qarshi o‘nta g‘alaba mavjud. Bu ko‘rsatkichdan faqat Arsenalning sobiq bosh murabbiyi Arsen Vengerning o‘n ikki g‘alabasi yuqori.
Uchinchi o‘rinda esa Gvardiolaning shogirdi, hozirgi Arsenal bosh murabbiyi Mikel Arteta sakkiz marta Manchester Yunaytedni mag‘lub etgan. Eslatib o‘tish lozimki, yakshanba kuni bo‘lib o‘tgan o‘yinda Manchester Siti o‘z maydonida Manchester Yunaytedni 3:0 hisobida mag‘lub etdi.
Gollardan biri Fil Foden tomonidan urilgan bo‘lsa, ikki golni Erlin Holann kiritdi. Ushbu g‘alaba Gvardiolaning Manchester Yunaytedga qarshi g‘alabalar sonini yanada oshirishiga yordam berdi.
