«Barselona» jamoasining bosh murabbiyi Hans-Diter Flik o‘z jamoasi yana uy o‘yinlarini «Kamp Nou» stadionida o‘tkaza olishini kutmoqda. Bu haqda Euro-football.ru xabar berdi.
Jamoaning o‘z maydoniga qaytishi biroz kechikmoqda. Yakshanba kuni kataloniyaliklar Johan Kroyf stadionida «Valensiya» jamoasini qabul qilib, uchrashuvni 6:0 hisobida g‘alaba bilan yakunladilar.
Ushbu stadion faqat 6 ming tomoshabinga mo‘ljallangan. Flikning so‘zlariga ko‘ra, bu stadion jamoaga mos keladi, ammo «Kamp Nou»ga qaytish nafaqat jamoa, balki muxlislar va murabbiylar uchun ham katta voqea bo‘ladi.
U o‘z jamoasining «Kamp Nou»da o‘yin o‘tkazishini istaydi, ammo bu qaror ular qo‘lida emas. Murabbiy vaziyatni qabul qilib, oldinga intilish kerakligini ta’kidladi.
18 sentabr kuni «Barselona» Angliya jamoasi «Nyukasl» bilan Chempionlar Ligasi doirasida safarda o‘yin o‘tkazadi.
