"Real Madrid"da Vinisius holati yuzasidan xavotirlar ortmoqda
Real Madrid jamoasining hujumchisi Vinisius Juniorning holati bo‘yicha jamoada xavotir mavjud. Bu haqda Euro-football.ru xabar berdi.
Braziliyalik futbolchining vakillari jamoaning bosh murabbiyi Xabi Alonso Vinisiusga oldingi murabbiy Karlo Anchelottiga nisbatan kamroq ishonch bildirayotgani haqida fikr bildirgan. ESPN manbasining ma’lumotiga ko‘ra, Anchelotti davrida Vinisius faqat charchoq yoki jismoniy muammolar sabab zaxirada qolgan bo‘lsa, Alonso esa uni taktika yoki texnik sabablar bilan zaxirada qoldirmoqda.
Masalan, bu holat Chempionlar Ligasi doirasidagi Marselga qarshi o‘yinda aniq ko‘rinib qoldi. Manba shuningdek, Alonso va futbolchi o‘rtasidagi shartnoma yangilanishi bo‘yicha muzokaralar to‘xtab qolganini ta’kidlaydi.
Hozirgi vaqtda Vinisius Juniorning Real Madrid bilan amaldagi shartnomasi 2027 yil o‘rtalarigacha mo‘ljallangan. Jamoada futbolchining kelajagi va o‘yindagi o‘rni haqida muhokamalar davom etmoqda.
