«Real» jamoasi bosh murabbiyi Xabi Alonso hujumchi Kilian Mbappe haqida fikr bildirdi. Bu haqda Euro-football.ru xabar berdi.
Uning so‘zlariga ko‘ra, yulduz futbolchi har doim asosiy tarkibda maydonga tushavermaydi. Murabbiyning ta’kidlashicha, oldinda ko‘plab o‘yinlar bor va ba’zi bahslarda Mbappe zaxiradan maydonga chiqishi mumkin.
Yuklamani to‘g‘ri taqsimlash muhim hisoblanadi. Kilian jamoa uchun juda zarur o‘yinchi, biroq ba’zi o‘yinlarda u asosiy tarkibda bo‘lmasligi ehtimoldan holi emas.
Jamoa hozirgacha atigi beshta o‘yin o‘tkazgan va yakuniy xulosa chiqarish uchun hali erta. Hozir «Real» Ispaniya chempionatining navbatdagi o‘yiniga tayyorgarlik ko‘rmoqda.
Ular 20 sentyabr, shanba kuni «Espanol» jamoasini o‘z maydonida qabul qiladi. Ushbu uchrashuvda jamoalar kuch sinashadi va muxlislar uchun qiziqarli bahs bo‘lishi kutilmoqda.
