Yerom Boateng futbolchilik faoliyatini yakunladi
Germaniyaning taniqli himoyachisi Jyerom Boateng, Germaniya terma jamoasi va Myunxenning “Bavariya” klubida o‘ynagan futbolchi, 37 yoshida faoliyatini yakunlaganini e’lon qildi. Bu haqda Euro-football.ru xabar berdi.
U o‘zining uzoq va samarali futbol karerasiga yakun yasaganini ma’lum qildi. Jyerom o‘z bayonotida, futbol unga ko‘p narsa berganini va juda yaxshi jamoalarda o‘ynaganini ta’kidladi.
Endi esa yangi bosqichga o‘tish vaqti kelganini bildirdi. U shuningdek, yonida bo‘lgan barcha insonlarga minnatdorlik izhor qildi, ularning qo‘llab-quvvatlashi unga katta yordam berganini qayd etdi.
Jyerom Boateng 2014 yilda Germaniya terma jamoasi tarkibida jahon chempioni bo‘lgan. Shuningdek, “Bavariya” bilan Bundesliga chempionligini qo‘lga kiritgan va ikki marta Chempionlar Ligasi g‘olibi sifatida tarixga kirgan.
Uning faoliyati ko‘plab yosh futbolchilar uchun namuna bo‘lib xizmat qiladi va u futbol olamida o‘zining o‘chmas izini qoldirdi. Endilikda u yangi hayot bosqichiga tayyorlanmoqda.
