Atletiko Gallaherni kamida 57 million yevroga sotmoqchi

Madridning «Atletiko» klubi yarim himoyachi Konor Gallaher bilan xayrlashishga shoshilmaydi. Bu haqda Euro-football.ru xabar berdi.

Angliyalik futbolchining asosiy tarkibda doimiy o‘rin topa olmasligi sababli u vatanga qaytishi haqida gaplar ko‘paymoqda. Shunga qaramay, «Football Insider» nashrining xabar berishicha, «Atletiko» qishki transfer oynasida Gallaherni sotishni istamaydi.

Madrid klubi 25 yoshli yarim himoyachini faqat 50 million funt sterlingdan kam bo‘lmagan narxda sotishga tayyor. Bu miqdor evroga hisoblaganda 57 milliondan ortiq bo‘ladi.

Konor Gallaherni eng asosiy xaridor sifatida «Tottenhem» ko‘rilmoqda, shuningdek, Angliya Premer Ligasi boshqa klublari ham unga qiziqish bildirmoqda. O‘tgan yilning avgust oyida «Atletiko» uni «Chelsi»dan 42 million evroga sotib olgandi.

Shu sababli, klub futbolchini faqat yuqori narxda qo‘yib yuborishga tayyor.