«Barselona» bosh murabbiyi Hans-Diter Flik La Liga doirasidagi «Xetafe»ga qarshi o‘tkazilgan o‘yinda 3:0 hisobida qozonilgan katta g‘alaba haqida fikrlarini bildirdi. Bu haqda Euro-football.ru xabar berdi.
Uchrashuvda g‘alaba uchun uch ochko olib kelgan asosiy o‘yinchi Feran Torres bo‘lib, u birinchi bo‘limda ikki marta gol urdi. Uchinchi gol muallifi esa Dani Olmo bo‘ldi.
Flik o‘z bayonotida o‘yinni to‘liq nazorat qilganliklarini, yaxshi o‘ynab g‘alabaga erishganliklarini ta’kidladi. «Xetafe»ga qarshi gol urish har doim oson emasligini, ammo jamoa bu vazifani uddalaganini aytdi.
Shuningdek, u jamoaning so‘nggi o‘yinlardagi ko‘rsatgan o‘yini uchun minnatdorlik bildirdi. Jamoa yaqinda yakshanba kuni o‘ynagan, so‘ngra Chempionlar ligasida «Nyukasl»ga qarshi qiyin o‘yinni boshdan kechirgan.
Bugungi o‘yin ham oson bo‘lmagan. Biroq barcha uchta o‘yinda munosib g‘alabaga erishganliklari bilan faxrlanadi.
Hozirda «Barselona» Ispaniya chempionatining turnir jadvalida beshta turdan so‘ng 13 ochko bilan ikkinchi o‘rinda bormoqda. Jamoa keyingi o‘yinlarda ham muvaffaqiyatli natijalar ko‘rsatishga intilmoqda.
