Dembele Parijda "Oltin to‘p" sovrindori bo‘ldi
Juda yaqin orada dunyo "Oltin to‘p" mukofotining yangi egasini bilib oladi. Bu haqda Euro-football.ru xabar berdi.
Ushbu mukofot taqdimoti bugun Parij shahrida bo‘lib o‘tadi. Asosiy da’vogar sifatida "PSJ" jamoasining qanot hujumchisi Usmon Dembele ko‘rilmoqda.
Fransiyada mukofotning kimga berilishi allaqachon hal bo‘lganiga ishonishadi. The Touchline nashri fransuz jurnalisti Romen Kolle Gaden so‘zlariga tayanib, Dembele allaqachon "Oltin to‘p"ni qo‘lga kiritganini bildiradi.
Hozirgi g‘olib esa "Manchester Siti" jamoasidan ispan yarim himoyachisi Rodridir. U o‘tgan mavsum ko‘p vaqt jarohat sabab maydonga tusha olmagani uchun bu safar nomzodlar qatorida yo‘q.
Dembele bilan asosiy raqobatchilar sifatida "Barselona"dan Lamin Yamal va Rafinya Dias ko‘rsatilmoqda. Ularning har biri o‘z jamoasida muhim rol o‘ynaydi va kuchli o‘yinlari bilan ajralib turadi.
"Oltin to‘p" sovrindori kim bo‘lishi futbol ixlosmandlari tomonidan katta qiziqish bilan kutilmoqda. Mukofot sohibining nomi bugun aniq bo‘ladi.
