“Manchester Siti” bosh murabbiyi Xosep Gvardiola “Arsenal”ga qarshi o‘yin (1:1)dan keyin fikr bildirdi. Bu haqda Euro-football.ru xabar berdi.
Jamoamiz qo‘shimcha vaqtda gol o‘tkazib yubordi. “Bir hafta ichida biz uchun murakkab o‘yinlar bo‘ldi – avvalo “Manchester Yunayted”ga qarshi, so‘ngra Chempionlar Ligasi doirasida.
Bugun esa kuchli raqibga qarshi o‘ynadik. Jamoamning chidamliligi oldida bosh egaman.
Yuqori pressingda samarali o‘ynamasak, hujumlarni tashkil etish juda qiyin. Biz bir necha bor hujumga o‘tishga muvaffaq bo‘ldik.
Natija adolatli deb o‘ylayman. Umuman olganda, “Arsenal” yaxshiroq edi.
Biz juda charchadik. “Napoli”ga qarshi o‘yin juda hissiyotli bo‘ldi, keyin tiklanish uchun bir kun vaqtimiz bo‘ldi va Londonga yo‘l oldik.
“Arsenal” so‘nggi ikki mavsumda chempionlik uchun kurashdi va Chempionlar Ligasi yarim finaligacha yetib bordi. Ular bilan o‘ynash juda qiyin.
Ko‘p o‘yinchilarimiz charchagan va shuningdek, jarohatlarimiz ko‘p”, – dedi Gvardiola Sky Sportsga bergan intervyusida. Premyer-liganing beshta turidan so‘ng “Manchester Siti” turnir jadvalida yettinchi o‘rinda bo‘lib, yetti ochkoga ega.
