«Barselona» jamoasining markaziy himoyachisi Ronald Arauho klubda uzoq vaqt qolishni rejalashtirmoqda. Bu haqda Euro-football.ru xabar berdi.
Urugvaylik futbolchi haqida vaqti-vaqti bilan jamoani tark etishi mumkinligi haqida gaplar tarqalgan bo‘lsa-da, 26 yoshli sportchi muhitni o‘zgartirish niyatida emas. Mundo Deportivo nashrining ma’lumotlariga ko‘ra, Arauho faoliyatini «Barselona»da yakunlashni istaydi.
Markaziy himoyachining orzusi jamoa sardori sifatida Chempionlar ligasida g‘olib bo‘lishdir. Yil boshida Ronald Arauho kataloniyalik jamoa bilan 2031 yilgacha mo‘ljallangan yangi uzoq muddatli shartnoma imzoladi.
Joriy mavsumda u Hans-Diter Flik boshqaruvidagi jamoa safida beshta o‘yinda maydonga tushib, bittagina gol urishga muvaffaq bo‘ldi.
