Slot: Kristal Pelas Liverpulni birinchi mag‘lubiyatga uchratdi
Shanba kuni "Liverpul" Angliya Premer Ligasi mavsumidagi birinchi mag‘lubiyatini qabul qildi. Bu haqda Euro-football.ru xabar berdi.
Arne Slot boshchiligidagi jamoa "Kristal Pelas" maydonida 1:2 hisobida yutqazdi. O‘yindan so‘ng niderlandiyalik mutaxassis raqib haqida fikr bildirdi.
Slotning ta’kidlashicha, "Kristal Pelas"ning o‘yin uslubi ularning futbolchilariga juda mos keladi. Ular past blokdan foydalanib, tezkor hujumchilar yordamida qarshi hujumlarni amalga oshiradi.
Jamoada kuchli hujumchi Mateta bor. Birinchi bo‘limda "Liverpul" uchun ko‘plab qiyinchiliklar yuzaga keldi.
Keyingi daqiqalarda esa ko‘p to‘p nazoratida bo‘lishga erishgan bo‘lsalar-da, past blokni yengish ancha murakkab bo‘ldi. Slot har bir o‘yin tajriba manbai ekanini aytib, bunday o‘yindan ko‘proq saboq olish mumkinligini ta’kidladi.
Premer Liga navbatdagi turida "Liverpul" mehmon sifatida "Chelsi"ga qarshi maydonga tushadi.
