Turkiya terma jamoasi va Madridning "Real" klubida yarim himoyachi sifatida faoliyat yuritayotgan Arda Gyuler Yevropaning bir qator klublari e’tiborida turibdi. Bu haqda Euro-football.ru xabar berdi.
20 yoshli futbolchining o‘yinlarini "Borussiya", "Nyukasl", "Arsenal", "Milan", "RB Leyptsig" hamda "Tottenxem" klublari vakillari kuzatib bormoqda. Caught Offside nashrining ma’lumotlariga ko‘ra, "Qirollik" klubi rahbariyati futbolchini sotishga niyat qilmayapti.
Klub rahbarlari Arda Gyulerni uzoq muddatli rejalariga kiritgan. Arda Gyuler ikki yil avval Madridning yirik jamoasiga o‘tgan.
Uning "Real" bilan shartnomasi 2029 yil yozida tugaydi. Futbolchining bozor qiymati taxminan 45 million yevroga teng.
Klub va futbolchi o‘rtasidagi munosabatlar mustahkam bo‘lib, kelajakda ham Arda jamoaning asosiy o‘yinchilaridan biri bo‘lib qolishi kutilmoqda.
