Pau Kubarsi Messi bilan hech qachon duch kelmaganini aytdi
«Barselona» tarbiyalanuvchisi Pau Kubarsi klubning afsonasi Lionel Messi bilan hech qachon uchrashmaganini tan oldi. Bu haqda Euro-football.ru xabar berdi.
U o‘zining omadsizligini ta’kidlab, hech qachon «Kamp Nou» stadionida to‘p olib yurgan bolalar qatorida bo‘lmaganini aytdi. Kubarsining so‘zlariga ko‘ra, u asosiy jamoa bilan shug‘ullana boshlagan paytda Messi allaqachon «Barselona»ni tark etgan edi.
Lionel Messi 2004 yildan 2021 yilgacha «Barselona»ning asosiy jamoasida o‘ynagan. Shu davr mobaynida u 778 ta o‘yinda maydonga tushib, 672 ta gol urgan va 303 ta samarali uzatma amalga oshirgan.
Hozirda 38 yoshli Messi Amerika Qo‘shma Shtatlarining «Inter Mayami» klubida faoliyat yuritmoqda. Uning professional faoliyati davomida ko‘rsatgan natijalari futbol olamida katta hurmatga sazovor bo‘lgan.
