Mbappe: Argentina final o‘yinida haqli ravishda g‘alaba qozondi
Madridning “Real” jamoasi va Fransiya terma jamoasi hujumchisi Kilian Mbappe 2022-yilgi jahon chempionati finali haqida esladi. Bu haqda Euro-football.ru xabar berdi.
Fransiya terma jamoasi Qatarda o‘tgan musobaqaning hal qiluvchi o‘yinida Argentina jamoasiga yutqazdi. Asosiy va qo‘shimcha 30 daqiqa davomida hisob 3:3 bo‘lib, g‘olib aniqlanmadi.
Mbappe uchta gol urdi, ammo final sovrini penaltilar seriyasida aniqroq o‘ynagan raqiblarga nasib etdi. Mbappe Movistar bilan suhbatda shunday dedi: “Argentina 2022 yilgi jahon chempionati finalida g‘alaba qozonishga loyiq edi.
Ular bizdan yaxshiroq o‘ynashdi. Finalda gol urish emas, g‘alaba qozonish muhim.
Bu o‘yin juda qiziqarli bo‘ldi, ammo yakunda Argentina haqli ravishda yutdi. Ba’zan biz yaxshiroq ko‘ringandek edik, lekin butun o‘yinni hisobga olsak, natija adolatli.
O‘sha kunni unutish qiyin. Yana shunday vaziyatni boshdan kechirishni xohlamayman.” Bugun Fransiya terma jamoasi 2026 yilgi jahon chempionati saralash bosqichida Islandiya jamoasi bilan o‘ynaydi.
