Arsenal va Tottenxem Gyulerini sotib olishga intilmoqda

Madridning "Real" jamoasining yarim himoyachisi Arda Gyuler boshqa klublarning diqqat markazida bo‘lib qolmoqda. Bu haqda Euro-football.ru xabar berdi.

20 yoshli futbolchiga Londonning "Arsenal" va "Tottenxem" klublari qiziqish bildirmoqda. Ular turk yulduzini jamoasiga jalb qilish uchun barcha imkoniyatlarni ishga solishga tayyor.

Bundan tashqari, "Milan", Dortmundning "Borussiya", "RB Leyptsig" hamda "Nyukasl" klublari ham Arda Gyulerni o‘z safida ko‘rishni istaydi. Hozirgi mavsumda futbolchi "Real" safida o‘nta o‘yinda maydonga tushib, uchta gol urdi va to‘rtta samarali uzatma amalga oshirdi.

Transfermarkt portali uning bozor qiymatini 60 million yevroga baholamoqda. Arda Gyuler yosh bo‘lishiga qaramay, yuqori darajadagi o‘yin ko‘rsatmoqda va yevropa jamoalari orasida katta qiziqish uyg‘otmoqda.

Uning kelajagi yorqin va jahon futbolida o‘z o‘rnini mustahkamlashga intilmoqda.