«Barselona» va Angliya terma jamoasi hujumchisi Markus Reshford o‘z o‘yini haqida fikr bildirdi. Bu haqda Euro-football.ru xabar berdi.
27 yoshli futbolchi Kataloniyada o‘zidan katta umidlarni oqlay oldi: u joriy mavsumda Hans-Diter Flik boshchiligidagi jamoa safida o‘n o‘yinda uchta gol urdi va beshta golga uzatma berdi. Reshfordning so‘zlariga ko‘ra, u bir kun o‘z imkoniyatlarini to‘liq namoyon etadi va muxlislar eng yaxshi versiyasini ko‘radi.
Bu esa uni yanada baxtli qiladi va ijobiy ta’sir ko‘rsatadi. Shunday qilib, u «Barselona» va Angliya terma jamoasiga ko‘proq foyda keltira oladi.
Eslatib o‘tamiz, o‘tgan yozda «Barselona» ingliz futbolchisini «Manchester Yunayted»dan mavsum oxirigacha ijaraga oldi, shuningdek, uni sotib olish huquqiga ega bo‘ldi.
