Jahon chempionatiga 28 ta jamoa yo‘llanma oldi
Yaqinda yana ikki milliy terma jamoa 2026 yilgi jahon chempionatiga yo‘llanmani qo‘lga kiritdi. Bu haqda Euro-football.ru xabar berdi.
Ushbu chempionatni keyingi yozda Amerika Qo‘shma Shtatlari, Kanada va Meksika birgalikda mezbonlik qiladi. Afrikadan Senegal va Kot-d’Ivuar terma jamoalari o‘z guruhlarida g‘olib bo‘lib, musobaqaga yo‘l olishdi.
Shu tariqa, jahon chempionatida ishtirok etadigan 28 ta jamoa allaqachon aniqlandi. Musobaqada Kanadadan tortib, Meksika, AQSh, Yaponiya, Yangi Zelandiya, Eron, Argentina, O‘zbekiston, Janubiy Koreya, Iordaniya, Avstraliya, Braziliya, Ekvador, Urugvay, Kolumbiya, Paragvay, Marokash, Tunis, Misr, Jazoir, Ghana, Kaboverde, Janubiy Afrika Respublikasi, Qatar, Angliya, Saudiya Arabistoni, Kot-d’Ivuar va Senegal terma jamoalari ishtirok etadi.
Hozircha jahon chempionatiga yana 20 ta yo‘llanma uchun kurash davom etmoqda. Ularning ko‘pchiligi, ya’ni 15 tasi Yevropa futbol assotsiatsiyalari uyushmasi (UEFA) vakillariga beriladi.
Hozirgacha UEFAdan faqat Angliya terma jamoasi saralash bosqichidan muvaffaqiyatli o‘tgan. Umuman olganda, UEFA jamoalari jahon chempionatida jami 16 ta o‘rin egallaydi.
