FIFA Trampning jahon chempionati taklifini tinglaydi
AQSh prezidenti Donald Tramp 2026 yilgi jahon chempionati o‘yinlarini xavfsizlik bilan bog‘liq muammolar yuzaga kelganda, turnir o‘yinlarini boshqa shaharlarga ko‘chirish masalasida FIFA prezidenti Janni Infantinoni osonlik bilan ishontira olishini ma’lum qildi. Bu haqda Euro-football.ru xabar berdi.
FIFA esa o‘yinlar o‘tkaziladigan joylar bo‘yicha qaror faqat FIFA tomonidan qabul qilinishini bildirdi. Shu bilan birga, tashkilot Trampning fikrlarini tinglashga tayyor ekanligini ta’kidladi.
FIFA vakilining so‘zlariga ko‘ra, xavfsizlik va himoya barcha FIFA musobaqalarida eng ustuvor masala hisoblanadi. Xavfsizlik mas’uliyati hukumatlarga yuklatilgan bo‘lib, ular jamoat xavfsizligini ta’minlash uchun eng to‘g‘ri qarorlarni qabul qiladi.
2026 yilgi jahon chempionati AQSh, Kanada va Meksika tomonidan tashkil etiladi. Ushbu uch mamlakat musobaqani qo‘shma tarzda o‘tkazishga tayyorlanmoqda.
FIFA va mezbon davlatlar o‘rtasida xavfsizlikni ta’minlash bo‘yicha hamkorlik davom etmoqda. Shuningdek, barcha ishtirokchilar va muxlislar uchun xavfsiz va osoyishta muhit yaratish eng muhim vazifa hisoblanadi.
