Neymarning kelajagi noaniq bo‘lib qolmoqda. Bu haqda Euro-football.ru xabar berdi.
Hozirgi vaqtda braziliyalik yulduz futbolchi "Santos" klubi bilan tuzilgan shartnoma 2025 yil oxirigacha amal qiladi. ESPN xabariga ko‘ra, "Santos" Neymar bilan shartnomani uzaytirish bo‘yicha muzokaralarni vaqtincha to‘xtatgan.
Buning ikki asosiy sababi bor: futbolchining jismoniy holatiga oid xavotirlar va uning yuqori maoshi. Neymar va "Santos" o‘rtasida hech qanday janjal yoki kelishmovchilik mavjud emas.
Klub futbolchining to‘liq sog‘ayishini kutib, keyinchalik uning kelajagi haqida suhbatlashishni maqsad qilgan. Shu bilan birga, 33 yoshli futbolchining hozirgi maoshi klub uchun katta moliyaviy yuk bo‘lib turibdi.
Neymarning qaytishi "Santos"ga futbol formalarini sotishdan ko‘proq daromad olish imkonini bergan bo‘lsa-da, klub uchun uning maoshi muhim muammo hisoblanadi. Shunday qilib, klub va futbolchi o‘rtasidagi kelishuv hozircha to‘xtatilgan, ammo kelajakda yangi shartnoma masalasi yana ko‘rib chiqilishi mumkin.
