Manchester Yunayted Evertondan Jeyms Garnerni qaytaradi
Manchester Yunayted jamoasi Everton klubi yarim himoyachisi Jeyms Garnerni o‘z safiga qo‘shish imkoniyatini ko‘rib chiqmoqda. Bu haqda Euro-football.ru xabar berdi.
24 yoshli futbolchi joriy mavsumda o‘zining ajoyib o‘yinlari bilan ajralib turibdi va shu sababli Manchester Yunaytedning o‘rta chiziqni kuchaytirish bo‘yicha izlanishlari doirasida diqqat markaziga tushdi. Jurnalist Ekrem Konurning ma’lumotlariga ko‘ra, Manchester Yunayted Garnerning muvaffaqiyatlarini yaqindan kuzatib bormoqda.
Uning transferi jamoa uchun foydali bo‘lishi mumkin, chunki futbolchining amaldagi shartnomasi keyingi yilning o‘rtalarida tugaydi. Jeyms Garner bolaligidan Manchester Yunayted akademiyasida tarbiyalangan, ammo asosiy jamoada faqat yetti o‘yin o‘tkazgan.
2022 yilda Everton uni 10 million yevrodan ortiq narxda sotib olgan. Transfermarkt saytining bahosiga ko‘ra, hozirgi vaqtda uning bozor qiymati 18 million yevroni tashkil etadi.
Manchester Yunayted jamoasi ushbu futbolchini qayta o‘z tarkibiga qo‘shib, o‘rta chiziqni yanada mustahkamlashni maqsad qilmoqda.
