Milinkovich-Savichga ikki Yevropa klubi qiziqmoqda

«Al-Xilol» jamoasining yarim himoyachisi Sergey Milinkovich-Savich kelasi yili klubini o‘zgartirishi mumkin. Bu haqda Euro-football.ru xabar berdi.

Serbiyalik futbolchining amaldagi shartnomasi joriy mavsum yakunida tugaydi. Agar tomonlar yaqin oylar ichida yangi kelishuvga erishmasa, u holda yarim himoyachining yanvar oyidagi transfer oynasida jamoani tark etishi ehtimoli mavjud.

Jurnalist Ekrem Konurning xabar berishicha, 30 yoshli futbolchining xizmatlari Turkiyaning «Galatasaroy» va «Fenerbaxche» klublariga taklif qilingan. Shuningdek, Milanning «Inter», «Yuventus» va Angliya Premer Ligasi vakillari ham bu jarayonni diqqat bilan kuzatmoqda.

Transfermarkt portali Sergeyning qiymatini 17 million yevroga baholagan. Saudiya Arabistoniga ko‘chishidan oldin u sakkiz yil davomida Italiyadagi «Latsio» klubida o‘ynagan.