Ronaldu ishtirokisiz “Al-Nasr” pley-offga yo‘l oldi
Krishtianu Ronaldu bosh murabbiy bilan kelishuvga ko‘ra, Osiyo Chempionlar ligasi guruh bosqichi uchrashuvlarida maydonga tushmayapti. Bu haqda Zamin.uz xabar berdi.
Shunga qaramay, uning jamoasi “Al-Nasr” o‘z yetakchisiz ham yaxshi natijalar ko‘rsatmoqda. Bu haqda euro-football.ru xabar berdi.
Saudiya Arabistonining “Al-Nasr” klubi guruh bosqichidagi beshinchi uchrashuvda Tojikistonning “Istiklol” jamoasini 4:0 hisobida yirik mag‘lubiyatga uchratdi. Ushbu g‘alaba orqali “Al-Nasr” guruhda birinchi o‘rinni egallab, pley-off bosqichiga yo‘l oldi.
O‘yin yakunlanganidan so‘ng Krishtianu Ronaldu o‘z ijtimoiy tarmoqlarida jamoasining muvaffaqiyatini qo‘llab-quvvatlab post joylashtirdi. U mazkur postga olov va qarsak ifodalovchi belgilarni qo‘shib, jamoaning muvaffaqiyatidan mamnunligini bildirdi.
Ma’lumki, 40 yoshli mashhur hujumchining “Al-Nasr” bilan tuzgan shartnomasi 2027 yilning o‘rtalarigacha amal qiladi. Shu bilan birga, internetda Ronaldu va Tojikiston bilan bog‘liq ayrim asossiz xabarlar ham tarqalmoqda.
Bu kabi xabarlarning haqiqatga mosligi hali tasdiqlangan emas.
