Matvey Safonov "PSJ"da eng kam maosh oladi
Rossiyalik darvozabon Matvey Safonovning Fransiyaning "PSJ" klubida qancha maosh olishi haqida ma’lumot paydo bo‘ldi. Bu haqda Zamin.uz xabar berdi.
Le Parisien jurnalistlari klubning moliyaviy ko‘rsatkichlarini oshkor qildi. Ushbu ma’lumot euro-football.ru sayti orqali tarqatildi.
Xabarlarga ko‘ra, Matvey Safonovning oylik maoshi soliqlar ushlanmasidan oldin 250 ming yevroni tashkil etadi. U klub tarkibida eng kam maosh oladigan futbolchi sifatida qayd etilgan.
"PSJ"da eng yuqori maosh qanot hujumchisi Usmon Dembelenga tegishli bo‘lib, unga oyiga 1,56 million yevro to‘lanadi. Ikkinchi o‘rinda Markinyos joylashgan bo‘lib, uning maoshi 1,13 million yevroni tashkil etadi.
Uchinchi o‘rinda esa Ashraf Hakimi turibdi, u oyiga 1,1 million yevro oladi. Bundan tashqari, Gruziya milliy terma jamoasi futbolchisi Xvicha Kvaratsxeliya "PSJ" futbolchilari orasida oyiga 900 ming yevro maosh bilan oltinchi o‘rinni egallagan.
Bu ma’lumotlar futbol olamidagi moliyaviy farqlarni yaqqol ko‘rsatib beradi.
