Aleksandr Gleb: "Arsenal" finalga chiqsa, xursand bo‘laman

Belaruslik sobiq futbolchi Aleksandr Gleb o‘z faoliyati davomida "Arsenal" klubida ham o‘ynaganini eslab, londonliklarning joriy Chempionlar ligasi mavsumidagi imkoniyatlarini baholadi. Bu haqda Zamin.uz xabar berdi.

Bu haqda "Euro-Football" nashri xabar berdi. Glebning so‘zlariga ko‘ra, "Arsenal" musobaqaning guruh bosqichini juda yuqori saviyada o‘tkazgan.

Shunga qaramay, u turnirda hozircha aniq bir favoritni ajratib ko‘rsatish qiyinligini ta’kidladi. "Hammasi 1/8 final bosqichiga chiqqan jamoalar ma’lum bo‘lgach, turnirning kelgusi yo‘nalishlari aniqroq ko‘rinadi.

Lekin sobiq klubim "Arsenal" Chempionlar ligasida g‘olib chiqsa yoki hech bo‘lmaganda finalgacha yetib borsa, men juda xursand bo‘laman", — dedi Gleb "RB Sport" nashriga bergan intervyusida. U, shuningdek, Chempionlar ligasi finalida ikkita hujumkor va o‘z o‘yin uslubini namoyish eta oladigan jamoalar o‘zaro to‘qnash kelishini ko‘rishni istashini qo‘shimcha qildi.

Ma’lumki, "Arsenal" Chempionlar ligasining guruh bosqichida barcha sakkizta uchrashuvda g‘alaba qozonib, birinchi o‘rinni egalladi. Londonliklar ushbu yutuqni turnirning yangi formatida birinchi bo‘lib qo‘lga kiritgan jamoaga aylandi.