Argentinada yosh futbolchilarning erta ketishiga qarshi qoida joriy etildi
Argentina Futbol Assotsiatsiyasi mahalliy klublardagi yosh futbolchilarning chet elga erta ketishining oldini olish maqsadida yangi qoida joriy etdi. Bu haqda Zamin.uz xabar berdi.
Bu haqda The Athletic va euro-football.ru xabar beradi. Yangi tartibga ko‘ra, agar futbolchi Argentina klubi bilan professional shartnoma imzolamasdan turib xorijga transfer qilinsa, u milliy terma jamoaga chaqirilmaydi.
Ushbu qoidaning asosiy maqsadi yosh futbolchilarni erta transferlardan himoya qilish va ularning avvalo mahalliy futbol tizimida rivojlanishini ta’minlashdir. Argentinada amalda bo‘lgan "patria potestad" qonuniga ko‘ra, ota-onalar o‘z farzandlarini xorijiy klublarga kompensatsiyasiz o‘tkazish huquqiga ega.
Biroq yangi qoida orqali terma jamoada o‘ynash imkoniyatidan mahrum bo‘lish xavfi yosh futbolchilarni va ularning oilalarini bunday qarorlardan qaytarishga xizmat qiladi. Ma’lum qilinishicha, agar ushbu qoida ilgari kuchga kirganida, Lionel Messi, Emiliano Martines kabi futbolchilar va boshqa hozirgi yulduzlar chet el terma jamoasini tanlashga majbur bo‘lishi mumkin edi.
Shu sababli, bu qoida Argentinaning futbol sohasidagi iqtidorlarni saqlab qolishga qaratilgan muhim qadam hisoblanadi.
