Ronaldu "Al-Nasr"ni tark etishni o‘ylamoqda
"Al-Nasr" futbol klubi hujumchisi Krishtianu Ronaldu jamoani tark etish masalasini jiddiy ko‘rib chiqmoqda. Bu haqda Zamin.uz xabar berdi.
The Touchline nashrining Saudiya Arabistoni ommaviy axborot vositalariga asoslanib bergan xabariga ko‘ra, portugaliyalik futbolchi Saudiya Arabistoni Davlat investitsiya jamg‘armasi tomonidan jamoaning ayrim transferlari to‘xtatilgani va bu holat "Al-Nasr"ning chempionlik uchun kurashish imkoniyatlarini pasaytirganiga ishonmoqda. Ushbu ma’lumot euro-football.ru saytidan olingan.
41 yoshli futbolchi shuningdek, "Al-Hilol" klubiga nisbatan ko‘rsatilayotgan imtiyozli munosabatdan norozi. Ma’lum bo‘lishicha, agar Ronaldu tomonidan bildirilayotgan e’tirozlarga e’tibor qaratilmasa, u mavsum yakunida Saudiya Arabistoni chempionatini tark etishi mumkin.
Bundan tashqari, Ronaldu yuqoridagi sabablarga ko‘ra jamoaning so‘nggi ikki o‘yinida ishtirok etmagan. Hozircha u maydonga qaytishni rejalashtirmayotgani haqida ma’lumot berilgan.
