Di Mariya simulyatsiyalari muxlislar noroziligini kuchaytirdi
Anxel di Mariya Argentinaga qaytgach, dastlab yaxshi natijalar ko‘rsatgan bo‘lsa-da, ko‘p o‘tmay uning atrofida salbiy fikrlar kuchaya boshladi. Bu haqda Zamin.uz xabar berdi.
Bu salbiy munosabat futbolchining o‘yinidan ko‘ra, muxlislar va raqiblar noroziligi bilan bog‘liq. Ular di Mariyani maydonda tez-tez simulyatsiya qilishda ayblashmoqda.
Ushbu holat haqida euro-football.ru xabar bermoqda. Argentina chempionatiga oid forumlarda futbolchining harakatlari muhokama qilinmoqda.
Ayrim muxlislar "Nega di Mariya hiylalari uchun jazolanmaydi?", "U yulduz bo‘lsa-da, bunday harakatlari endi chidaydigan darajada emas", "Penalti olish uchun shunchalik urinish achinarli" kabi fikrlarni yozmoqda. Avval "Manchester Yunayted" va "Real" kabi yirik klublarda o‘ynagan Anxel di Mariya hozirda o‘zining sobiq klubi "Rosario Sentral" tarkibida maydonga tushmoqda.
Uning bu kabi harakatlari futbol olamida keng muhokama qilinayotgani di Mariyaning obro‘siga ta’sir ko‘rsatishi mumkin.
