Argentina yoshlari uchun yangi futbol tartibi joriy etildi
Argentina futbol assotsiatsiyasi yosh futbolchilarning xorijga chiqib ketishini kamaytirish maqsadida yangi tartibni joriy etdi. Bu haqda Zamin.uz xabar berdi.
Bu haqda *The Athletic* nashri va *euro-football.ru* xabar berdi. Yangi qoidaga ko‘ra, agar futbolchi mahalliy klub bilan professional shartnoma imzolamasdan xorijga ketgan bo‘lsa, u milliy terma jamoaga chaqirilmasligi mumkin.
Mamlakatda amal qiladigan «patria potestad» qonuni ota-onalarga farzandlarini xorijiy klublarga kompensatsiyasiz o‘tkazish imkonini beradi. Biroq futbol assotsiatsiyasi bu qonunni bekor qilish vakolatiga ega emas.
Shunga qaramay, milliy terma jamoada o‘ynash imkonidan mahrum bo‘lish xavfi yoshlikdagi transferlarni kamaytirishi kutilmoqda. Ma’lum qilinishicha, agar ushbu qoida avvalroq kuchga kirganida, Lionel Messi, Emiliano Martines kabi futbolchilar Argentina terma jamoasi o‘rniga boshqa mamlakat sharafini himoya qilishga majbur bo‘lishlari mumkin edi.
Shu sababli, yangi tartib yosh iqtidorlarni mamlakatda qolishga undashga qaratilgan. Assotsiatsiya bu orqali mahalliy futbolning rivoji va milliy jamoaning kuchli tarkibini saqlab qolishga umid qilmoqda.
