Ronaldu to‘purarlar ro‘yxatida uchinchi o‘ringa tushdi
Krishtianu Ronaldu so‘nggi vaqtlarda maydonga tushmayotgan bir paytda, uning raqiblari gol urishda davom etmoqda. Bu haqda Zamin.uz xabar berdi.
Ma’lumki, avvalroq portugaliyalik hujumchi to‘purarlar ro‘yxatida birinchi o‘rinni boy bergan edi. Hozirda «Al-Ahli» klubi vakili Ayven Toni 19 ta gol bilan yetakchilik qilmoqda.
Uning ortidan esa «Al-Kadisiya» futbolchisi Xulian Kinones 18 ta gol bilan ikkinchi o‘ringa chiqdi. Ronaldu esa hozircha 17 ta gol bilan uchinchi o‘rinda bormoqda.
Bu haqda euro-football.ru xabar berdi. Shuningdek, Ronaldu Saudiya Arabistonidagi faoliyati davomida chempionatda teng raqobat muammolari haqida fikr bildirgan.
U Saudiya Arabistoni Suveren jamg‘armasi tomonidan «Al-Hilol» klubiga «Al-Nasr»ga qaraganda ko‘proq moliyaviy yordam ko‘rsatilayotganini ta’kidladi. 41 yoshli forvard kelasi yozda Saudiya Arabistonini tark etishi mumkinligini ham istisno qilmagan.
Shu sabab, Ronaldu chempionatdagi sharoitlarni teng bo‘lmagan deb hisoblamoqda.
